قصائد الخيل

موضوع: قصائد الخيل السبت يوليو 26, 2008 4:45 am

عبيد العلي الرشيد

يا بيه أنا لكروش ما اعطي ولا ابيع === قبلك طلبها فيصلٍ وابن هادي
يا بيه لو كثّرت بالقول ما اطيـع === يا حيف تبغيني أسلّم جوادي
يا بيه ما يرهم على مثلها البيع === ولا يجي مثله بقودة مهادي
ما جمّع أصله بالقراطيس تجميع === بيته يعرفونه جميع البوادي
باغٍ إلى ما لقمّوها المصاريـع === وصاح الصياح وثار عج الطرادي
يلحق وانا فوقه ترثّع تراثيع === مثل الفحل لا صال وقت الهدادي
واصلها لعيون بيضٍ مفاريع === فوق الحنايا والسبايا غوادي
هذاك بيعه كان ما تفهم البيع === ليا منهن جلبن بسوق المزادي
يا بيه أنا مسمع جوابك ولا اطيع === هرجك بمقلة ناظري والفوادي
يا سابقي ما نرخصك بالمطاميع === حتى ولو قيل ارفعوا بالحدادي
أبغي ليا ثار الدخن بالزعازيع === وحطـّوا على عجلاتهن العدادي
بيوم يشيّب من وحاه المراضيع === حدّين حايدهن من الخوف حادي
أنطح ورى ربعي وجيه المداريع === وأقضي عليها دينهم والعيادي
وانشد عن افعاله بعاد المفازيع === هو هرجنا ذا كذب وألا وكادي؟؟
من لابة بالحرب ماهم مطاويع === ولا تحسّب بالمداس العوادي
حلفت ما يطري علينا بها البيع === للحشر ما يفخت سواده سوادي
ما دام راسي للرياح الذعاذيع === بالعون طالبها من الناس غادي
وديارنا حامينها بالمرابيع === واضدادنا عنها تجي بالحيادي
الا ان بغاه ((الليث)) حنّا مخاضيع === لأمره وهو فوقه كما البدر بادي
هذاك انا وحذاي لأمره مطاويع === فرز الوغى صيّاد من لا يصادي
حرٍ يفدع بأبرق الريش تفديع === ولا يفرس ألا من كبار الثنادي
طير السعد يفرّح قلوب المراضيع === تشتاق له معها وهو بالمهادي
يدرا وترجي من وراه المنافيع === الليث يرجى للعطايا الزيادي
اودع مصاعيب القبايل مراجيع === والخيل جاته من عمان تقادي
وصلّوا عدد ما حيش مال وبيع === على نبي للورى خير هادي

عضيب بن حشر القحطاني
يا سابقي حبك مقيمٍ على ساس === مولعٍ فـي حبك القلب توليع
حلفت لو ساموك بفلوس عباس === أني شفيعٍ فيك لا أصخي ولا أبيع
ولا دخل قلبي من البيع هوجاس === وأن زودولي بالثمن قلت ما أطيع
ياما حلا شلت الذيل والراس === مثل المهاة اللي تهاب المتابيع
ريميةٍ شمّت من الريح نسناس === حلّت مع زول البنادق مع الريع
وإلا كما شهيانةٍ تبغى الأفراس === جولٍ هوى تبغيه قدم التواقيع
باغيٍ إلى جانا من القفر عسّاس === وسميةٍ فيهـا الزبيدي مصاليع
وأنا عليها قدم الأسلاف نطاس === لاجات حزّات الفزع والزعازيع
لا صوّت الصيّاح باديٍ بالأرواس === يفرح بي الذود المطرّف ليا زيع
وليا لحقناهم والأرياق يبّاس === مركاضنا ماهوب هوزٍ وتمانيع
وأن لايعونا من وراها بمرواس === عاداتنا نرخي حبال المصاريع
عاداتنا نروي شبا كل عباس === ودهم العروق اللي تبوج المداريع
عقبه تقابلنا على ضو قباس === قاموا يعدون الفناجيل تجازيع
فنجال بنٍ جنته تقعد الراس === والزعفران مقطعٍ فيه تقطيع
أنا يعدالي ولو فيه جلاس === هراجة المجلـس قعود مهانيع
اللي لهم همزٍ ولمزٍ ووسواس === في ساقة الأجواد همز وتراتيع

ساجر الرفدي

وامهرتي وانا عليها شفاوي === إن قيل ياهل الخيل تطري عليّه
ماني معودها لكسب الشواوي === ولا رددت فرق البقر بالزويه
أبرّهـا لمكثرين العزاوي === وألحق عليها كل راعي رديّه
يوم الملاقى تعترض بالاهاوي === ليا تنادوا بينهم بالحميّه
وانا علي جدع المدرّع رهاوي === وياما جدعت الشيخ وألا حليّه
وياما تحملنا كبار البلاوي === وننطح وجيه أهل العزوم القويه
وانا لعصمين الشوارب فداوي === حـمايّة الساقات في كل هيّه
وليا اجتمع حس الغنا والنعاوي === يا طراد هاك اليوم عيدٍ عليّه

واواوااواواواو
بجد بجد وشرف امي حلوين
يسلمووووووووووووووووووووو
من الاخر
حلوين حلوين
مشكورة
تقبلي مروري

شكرا اكتير لالك
ع المرور
جيفارا

موضوع: رد: قصائد الخيل الجمعة أغسطس 08, 2008 9:13 pm

مشكووووورة موج ولا تحرمينا من جديدك وجيفارا ما تركلي حكي يسلمووووو ايديك