غدر الحب

موضوع: غدر الحب الإثنين يوليو 28, 2008 5:02 am

قصة قصيرة عبارة عن مساجلة زجليه بين فتاة وشاب
كانا يعيشان قصة حب هى تتحدث وهو يرد عليها
تعاتبه وتلوم عليه

ملحوظة هامة :- * هى باللون الأحمر ** هو باللون الأزرق

غدر الحب

* سايبنى ولايف على غيرى
بعـد ما تنعـمت فى خـيرى
سرت أبـكى عـلى حـــالى
واللى جرى وعذاب ضميرى

** مـين قـال أن أنا سـيـبـتـك
نسـيتى أن السـبب خـيـبـتـك
كنتِ على مـدلـوقـه خـالـص
ومن كـتر عشـقـك كرهـتـك

* يعـنى ذنـبى أنـى حـبـيـتـك
وبـقـلبى وروحـــى هـويـتك
عـملـتك ملـك وأنا الجـاريـه
وأغـلى ما أمـلـك هــديـتـك

** أعـرف منين أنـى الوحـيـد
ومفـيـش زيــد و لا عـبـيـد
أنـسى كل الـلى كان بـيـنا
وأبـدئـى حـياتك مـن جـديـد

* أقـسـم لك وأحـلف بـربـى
ما حـد غـيرك وصـل لقــلبى
ولا خــاد الـلى أنـت خــدته
وده كان مـن فـرط حــبـى

** الحـب ده فـوطـة وشـماعة
وأنـتى سايقاها خـلاعـة
وعـلى تسـوقى فـى دلالك
وضميرك رمياه ف بلاعــة

* أرحمنى يا سبب تعذيبى
ولوعـتى ونارى ولهـيـبى
اللى ف بطنى بيك يربطنى
أنا قـدرك وأنـت نصـيـبى

** يا بنتى أنا بكرة دخلتى
والليلة دى فرحى وحنتى
نصيبى ال صانت عرضها
أفـديها بعـمرى ودنـيـتى

* أنت شريكى فى عملتك
قـوم يـلا صـلـح غـلطـتـك
لأجل مــا يـعـيـش أبننا
وأعيش خـدامه لجـزمتك

** روحى يابنت ألعبى غيرها
شوفى واحد غيرى يشيلها
بعـد أذنـك عـنـدى مـيــعاد
سـبـيـها عـلى الله يعـدلـها

ورحل عنها تاركا اياها للمصير المجهول والقدر
وجلست وحيدة تصارع أفكارها
ترى ماذا قالت وماذا فعلت بنفسها :

جلست أبكى من الدموع أنهار
وأسـودت الـدنيا فى عـز النهار
ودارت ف راسى جميع الأفكار
شايلة على كتفى جبل أحجار
أندب حـظى وألعـن زمـن غـدار
أيه ذنب زمن ترعى فيه أشـرار
ودخل على الليل الحالك الستار
وقاعدة منهارة والعقل أحـتار
شوفت عيون أهلى تطـق شرار
وصورتى فى صحـيفة الأخـبار
والأهل والعـيلة جـبت لهم الـعار
هو طريق واحد مالهوش خـيار
واللى زيى لازم تـروح ع الـنار
عـمـلت وريـدى دوايـه للأحـبار
سجـلت بيه قصتى لـكم تـذكار
ودى أخر كلامى قبل الأنتحار
عبرة لمن يعتبر منكم يا شطار

اجمل واصدق تحياتي قوت القلوب

موضوع: رد: غدر الحب الإثنين يوليو 28, 2008 11:19 am

بجد بقدرش اعبر عن القصة و الخاطرة بجد حلوين كتير
والشب هادي يعني احقر من انو اعيش
ما صان البنت
المهم تقبلي مروري